Crebacabezas educativo do castro de Esmelle

A Cátedra de Arqueoloxía e Educación Patrimonial UDC-Concello de Ferrol creou un crebacabezas (puzle) para entregar aos centros escolares que visiten o arqueódromo, situado no Centro Torrente Ballester. O xogo educativo, deseñado e elaborado pola marca ferrolá “papú”, fíxose a partir dunha foto aérea de Tralocastro, o castro de san Xoán de Esmelle, realizada polo fotógrafo Eloy Taboada na pasada campaña de escavacións arqueolóxicas. A caixiña que contén as 56 pezas do xogo conta, ademáis, cun texto explicativo sobre o que se descubriu ata a data no castro ferrolán. Na Era Dixital, é outra maneira máis de aprender xogando sobre o noso pasado castrexo. Quen o desexe, pode adquirilo tamén en varios comercios da cidade (Acevedo y Central Librera rúa Real).